Manoloana ny fahamaizan’ny ala sy ny zava-mananaina ary ny doro tanety indrindra fa ny fahapotehan’ny tontolo iainana dia mivoaka tamin’ny fahanginany ireo avy ao amin’ny Mpisera dia. Izy ireo izay manana paikady ka hanangana izany ho entina amin’izay fiarovana ny tontolo iainana izay. Ny tontolo iainana simba mantsy tsy hahafahan’ny Mpisera dia miasa araka ny tokony ho izy no tsy hahafahan’ny rehetra miaina. Izany indrindra ihany koa no mahatonga ny fitondram-panjakana amin’ny alalan’ny Ministeran’ny tontolo iainana hanome tanana ny rehetra amin’ny famonoana afo eo amin’ny resaka doro ala sy ny doro tanety. Ankoatry ny Ministeran’ny tontolo iainana dia mitondra ny anjara birikiny amin’izao fiarovana ny tontolo iainana izao ihany koa ireo tompon’andraiki-panjakana eny ifotony, ny sehatra tsy miankina, ny fiaraha-monim-pirenena, ny Polisim-pirenena, ny Zandarimariam-pirenena, ny Miaramila sy ireo mpiara-miombon’antoka ary ireo vondron’olona eny ifotony. Tanjona amin’izao fiaraha-misalahy izao ny hanomezana vahana ny lafiny fizahantany eto Madagasikara. Izy io izay sehatra iray hahafahana mampidi-bola ao anatin’ny kitapom-bolam-panjakana. Ny fahapotehan’ny zava-boahary anefa dia hanimba ny sehatra rehetra, araka ny fanazavan’ny tompon’andraikitra eo anivon’ny Mpisera dia, Rakotonirina Angelo.
