Vonona tanteraka amin’ny fandraisana ny tsingerin-taona faha-60 niverenan’ny fahaleovantena ny kaominina Antananarivo renivohitra. Na dia tsy lanonana manetriketrika toy ny mahazatra isan-taona aza mantsy no hotanterahina dia hatao amim-pahamendrehana tanteraka izany. Hisy ny famendrahana ranom-panafody ny ao Analakely sy ny manodidina araka izany arahin’ny asa fanadiovana ho fitandroana ny fahasalaman’ny rehetra.Hisy ihany koa ny lalana ho tapaka manomboka ny vao maraimbe ny datin’ny 25 Jona izany hoe ny alakamisy ho avy izao, raha ny marainan’ny 24 Jona sisa no azo hivarotana ny eny an-toerana.
Hovoakasik’izany ny eny Tsaralalana, ny miditra avy any Antanimena…. Mpitandro ny filaminana manodidina ny 3000 isa no indray hohetsehina mandritra izany.Tsiahivana fa tsy azon’ny be sy ny maro hatrehina ny matso hotanterahina eny amin’ny kianjan’ny fahaleovantena, saingy kosa handeha mivantana amin’ny hainoaman-jerim-panjakana, koa hasaina ny rehetra hanaraka izany.
