Tafakatra 700 Ariary ny kapoakan’ny vary any distrikan’Amboasary Atsimo, faritra Anôsy amin’izao fotoana izao, raha 500 Ariary izany teo aloha. Voatery mamonjy ny renivohitry ny distrika ny mponina mba hividy sakafo. Mivarotra ireo fiompiana kely mba miangana mba ahafahana mividy vary, mangahazo, menaka izy ireo. Ankoatra ny vary, dia vidiana 1000 Ariary ny kilaon’ny mangahazo izay 400 Ariary teo aloha, lasa 6000 Ariary ny litatry ny menaka izay 4800Ariary telo aloha. Ny omby izay amidy 1 000 000 Ariary teo aloha nefa lasa 600 000 Ariary izany, ny osy 600 000 ariary dia lasa 250 000 ariary sisa. Mila jeren’ny fanjakana akaiky ny toe-javatra tahaka izany satria tena mijaly fadiranovana ny vahoaka any Amboasary atsimo ary miantso vonjy amin’ny fanjakana foibe izy ireo amin’izany.
